Investimet e huaja direkte

Statistikat e investimeve të huaja direkte (IHD) hartohen në përputhje me standardet ndërkombëtare, kërkesat e FMN-së dhe Eurostat-it për hartimin e Bilancit të Pagesave dhe Pozicionit të Investimeve Ndërkombëtare.

Statistikat e sektorit të jashtëm specifikojnë investimet direkte jashtë vendit të kryera nga investitorët rezidentë dhe investimet në ekonominë vendase nga jorezidentët. Statistikat e bilancit të pagesave pasqyrojnë transaksione që lidhen me investimet direkte për një periudhë të caktuar kohe. Ndërsa, Pozicioni i Investimeve Ndërkombëtare, pasqyron gjendjen e investimeve direkte në fund të periudhës së referencës.

Statistikat e pozicionit (gjendjes) të investimeve direkte ofrojnë informacion mbi pjesëmarrjet në kapital, që rrjedhin nga interesat pjesëmarrëse të rezidentëve në ndërmarrjet e huaja ose interesat pjesëmarrëse të jorezidentëve në sipërmarrjet shqiptare, në moment të caktuar kohe.

Transaksionet ekonomike (të harmonizuara me të dhënat e gjëndjes së fund të periudhës) midis rezidentëve dhe jorezidentëve brenda një periudhe të caktuar, paraqiten në statistikat e bilancit të pagesave.

• Pozicioni i investimeve të huaja direkte 
• Fluksi i investimeve të huaja direkte
   

SHËNIME METODOLOGJIKE

Lidhje te brendshme :

• Shpjegues për ndryshimet në statistikat e sektorit të jashtëm sipas BPM6, Qershor 2014 
•  Përshkrim metodologjik për Investimet e huaja direkte

Lidhje të jashtme :

• Manuali i Statistikave të Bilancit të Pagesave, FMN, Edicioni i Gjashtë
• Perkufizimet e investimeve te huaja direkte, OECD, edicioni i 4-rt