Financat personale në Duart tuaja!

“Financat personale në Duart tuaja” është një tekst mësimor, i cili i kushtohet  gjimnazistëve të vendit. Ky tekst është hartuar nga specialistë të Bankës së Shqipërisë, në bashkëpunim me Institutin e Zhvillimit të Arsimit (IZHA) dhe mësues të lëndës së ekonomisë. Banka e Shqipërisë, në vijim të angazhimit serioz për edukimin ekonomik dhe financiar të publikut është tashmë pjesë zyrtare e kurrikulës mësimore të arsimit të mesëm shqiptar, nëpërmjet lëndës me zgjedhje të lirë mbi edukimin financiar dhe tekstit të saj mësimor “Financat personale në Duart tuaja”.

Qëllimi i lëndës dhe tekstit të saj mësimor është përfshirja për herë të parë  e edukimit financiar në kurrikulën e arsimit të mesëm të vendit.  Nëpërmjet këtij teksti, i cili është shkruar me një gjuhë dhe didaktikë të përshtatshme për moshën e tyre, nxënësit mund të mësojnë mbi administrimin e drejtë të parasë dhe produkteve të ndryshme financiare, sjelljes konsumatore dhe rëndësisë së planifikimit financiar për mirëqenien e secilit dhe sistemit financiar në përgjithësi.

Banka e Shqipërisë e vlerëson rolin e mësuesit si të rëndësishëm  në përthithjen e njohurive nga nxënësit. Përpara fillimit të vitit shkollor Banka e Shqipërisë organizon trajnimin e mësuesve që do të trajtojnë këtë lëndë për të garantuar kuptimin e drejtë të koncepteve ekonomike dhe financiare që përmban teksti i saj. 

Teksti "Financat personale në Duart tuaja" do t'i dhurohet të gjithë gjimnazistëve që vendosin të zgjedhin modulin me zgjedhje të lirë mbi edukimin financiar.

Për më shumë informacion lexoni:

• Fletëpalosjen "Financat personale në Duart tuaja"
• Posterin "Financat personale në Duart tuaja"
• Tekstin "Financat personale në Duart tuaja"