Dokumenti ''Politika e mbikëqyrjes''

Ky dokument përcakton politikën e mbikëqyrjes të bazuar në rrezik për bankat dhe grupet bankare ose financiare për të cilat Banka e Shqipërisë është autoriteti mbikëqyrës përgjegjës. Objektivi kryesor i mbikëqyrjes së bazuar në rrezik është që të sigurojë një proces efikas për vlerësimin e gjendjes financiare dhe të qëndrueshmërisë së bankave. Banka e Shqipërisë, duke marrë në konsideratë edhe veçoritë e veprimtarisë financiare që ushtrojnë institucionet e tjera financiare të licencuara prej saj, zbaton pjesë të caktuar të kësaj politike edhe për këtë kategori.