Raporti Tremujor i Politikës Monetare, 2022/II

Ekonomia shqiptare shënoi një rimëkëmbje të shpejtë dhe të gjithanshme gjatë vitit 2021. Zgjerimi i kërkesës për mallra e shërbime solli rritjen e prodhimit, të pagave e të punësimit, si dhe përmirësimin e bilanceve financiare të bizneseve dhe familjeve. Paralelisht me to, inflacioni shënoi një rritje graduale gjatë vitit të shkuar, duke u zhvendosur gradualisht pranë objektivit tonë prej 3%.