Seria e librave të Konferencave

Libri pasqyron punimet e Konferencës Vjetore virtuale të Bankës së Shqipërisë “COVID-19: Ndikimi në ekonominë reale dhe përshtatja e politikave të bankave qendrore”, organizuar në bashkëpunim me Shkollën e Londrës për Studime Ekonomike dhe Shkenca Politike (LSE), më 29 tetor 2020.

Libri pasqyron punimet e Konferencës Vjetore të Bankës së Shqipërisë “Një botë e re e guximshme? E ardhmja e bankingut në vendet evropiane në zhvillim”, organizuar në bashkëpunim me Shkollën e Londrës për Studime Ekonomike dhe Shkenca Politike (LSE), më 11 tetor 2019, në Tiranë.

Libri i punimeve të Konferencës II të Muzeut të Bankës së Shqipërisë “Roli i parasë gjatë luftërave” përmbledh kumtesat e mbajtura në Konferencën me të njëjtin emër, organizuar nga Banka e Shqipërisë në Tiranë, më 20 shtator 2018. Konferenca mblodhi së bashku historianë, akademikë, numizmatë, arkeologë e studiues të historisë monetare e ekonomike, për të prezantuar e diskutuar gjetjet e studimeve të tyre për rolin që ka luajtur paraja përgjatë zhvillimit të luftërave dhe anasjelltas ndër shekuj.

Libri pasqyron punimet e Konferencës Vjetore të Bankës së Shqipërisë “Politika monetare, integrimi ekonomik dhe “normaliteti i ri””, organizuar në bashkëpunim me Shkollën e Londrës për Studime Ekonomike dhe Shkenca Politike (LSE), më 1 nëntor 2018, në Tiranë.

Në datën 9 nënor 2017, Banka e Shqipërisë, në bashkëpunim me Qendrën e Studimeve të Evropës Juglindore të Universitetit të Oksfordit, zhvillon konferencën e saj vjetore me temë: "Zhvillimet në tregun bankar dhe infrastruktura e tregjeve financiare. Roli i strukturës, madhësisë dhe infrastrukturës së tregjeve në zbutjen e rreziqeve dhe ecurinë e ndërmjetësimit financiar”.

Botimi përmbledh kumtesat e mbajtura në Konferencën me temë “Paraja dhe bankingu në Shqipëri, nga antikiteti në ditët tona”. Kjo ishte konferenca e parë e organizuar nga Muzeu i Bankës së Shqipërisë, e cila mblodhi së bashku historianë, akademikë, numizmatë, arkeologë e studiues të historisë monetare e ekonomike, për të prezantuar e diskutuar gjetjet e studimeve të tyre në fushën e prodhimit dhe qarkullimit monetar, historisë ekonomike dhe zhvillimit të bankingut në vendin tonë, nga antikiteti e deri në ditët tona.

Libri përmbledh punimet e konferencës të organizuar nga Banka e Shqipërisë dhe Fondi Monetar Ndërkombëtar në Tiranë, më 4-5 maj 2017. Konferenca u organizua me ndihmën financiare të Qeverisë Zvicerane nëpërmjet bashkëpunimit me Sekretariatin e Shtetit Zviceran për Çështjet Ekonomike. (English only)

Në datën 27 tetor 2016, Banka e Shqipërisë, në bashkëpunim me Qendrën e Studimeve të Evropës Juglindore të Universitetit të Oksfordit, zhvillon konferencën e saj vjetore me temë: Harmonizimi i politikës monetare me stabilitetin financiar – objektivat, përgjigjet dhe ndërveprimi mes tyre në periudha pasigurie”.

Në datën 30 tetor 2015, Banka e Shqipërisë në bashkëpunim me Qendrën e Studimeve të Evropës Juglindore të Universitetit të Oksfordit organizoi konferencën e saj vjetore me temë: “A i ndryshojnë krizat themelet ekonomike në vendet e Evropës Juglindore?”.

Në datën 26 tetor 2012, Banka e Shqipërisë organizoi Konferencën e 10-të Ndërkombëtare me temë “Politika monetare nga e shkuara në të ardhmen”, e cila këtë vit përkoi me festimin e 100-vjetorit të Pavarësisë së Shqipërisë. Fjala e hapjes u mbajt nga Guvernatori i Bankës së Shqipërisë, z.Ardian Fullani, ndërkohë që punimet e kësaj konference u përshëndetën dhe nga Kryeministri i vendit z.Sali Berisha.

Ky libër përmban një seri referatesh të një grupi ekspertësh të njohur, vendas dhe të huaj, të prezantuara në Konferencën IX Ndërkombëtare të Bankës së Shqipërisë të titulluar "Të ndërtojmë të ardhmen nëpërmjet kulturës financiare", e cila u zhvillua në Tiranë, më 15 shtator 2011.

Ky libër u botua për të njohur publikun e gjerë me punimet e takimit të katërt rajonal “Kërkimet ekonomike në Evropën juglindore”, të zhvilluar nga Banka e Shqipërisë në 18 dhe 19 nëntor, 2010. Ai përmban një përmbledhje materialesh diskutimi, të cilat vendosin theks të veçantë mbi tre tema të politikës monetare të vendeve në tranzicion dhe të ekonomive të vogla/ të hapura të vendeve të Evropës juglindore: leksionet e marra nga kriza ekonomike e financiare globale dhe ndikimet e saj në Evropën juglindore; balancimi i ekuilibrave të brendshëm e të jashtëm – nevoja për reforma të reja strukturore që mbeshtesin rritjen e qëndrueshme ekonomike, dhe ankora të reja për politikat ekonomike. Ky botim është përgatitur vetëm në gjuhën angleze, gjuhë në të cilën u mbajt dhe takimi i katërt rajonal “Kërkime ekonomike në Evropën juglindore”.

Libri që po ju sjellim sot përmban një seri referatesh të një grupi ekspertësh të njohur, vendas dhe të huaj, të prezantuara në Konferencën VII të Bankës së Shqipërisë të titulluar "Strategjitë e politikës monetare për ekonomitë e vogla", e cila u zhvillua në Tiranë, më 6-7 dhjetor 2007.

Përmbledhje e kumtesave dhe punimeve të paraqitura në Tryezën e Rrumbullakët të organizuar nga Banka e Shqipërisë në 6-7 dhjetor 2006 në Tiranë.

Ky botim është përmbledhje e punimeve të Konferencës VI Ndërkombëtare të organizuar nga Banka e Shqipërisë më 30-31 tetor 2007.

Ky dorëshkrim paraqet një analizë të faktorëve të jashtëm, që lidhen me ndryshimin e regjimit të politikave, nga zhvillimi i tregjeve financiare, tek marrëdhëniet e Bankës së Shqipërisë me institucionet e tjera.

Parashikimi i inflacionit është kusht i rëndësishëm për transparencën e politikës monetare, e cila i shërben përmirësimit të efektivitetit të mekanizmit të transmisionit si dhe rritjes së përgjegjshmërisë së bankës qendrore të pavarur.

Libri "Ekonomia shqiptare: arritje dhe sfida" është një përmbledhje e përshëndetjeve, kumtesave e komenteve të paraqitura në Konferencën IV shkencore të Bankës së Shqipërisë.

Ashtu sikurse dhe mjaft institucione të tjera, edhe Banka e Shqipërisë me përgjegjësitë e saj të shumta ka qenë dëshmitare dhe aktore e procesit të vështirë të transformimit ekonomik, politik dhe social të vendit, duke njohur në këtë mënyrë arritjet dhe dështimet e saj.